好野…下個月去福建泉州、廈門玩﹗要影多d相返黎先得﹗

今日終於upload晒相機入面的相上facebook，等待下次旅行先會再有新相了。Plan緊復活節去邊度玩，有冇建議﹖極唔想再去珠三角，想去再遠d的地方，即使係廣東都可以去下湛江/韶關/潮汕，純粹想行遠d，其實想去桂林或海南的，呀…講講下好多地方想去添，死火﹗

年尾仲有個年度旅行，今次地點係倫敦及巴黎，一定可以成行的，實行努力儲錢﹗

新年快樂，2009正式來臨﹗

新一年除左工作之外，當然要識得享受，所以已計劃好今年去邊度旅行。

繼去年去完上海、蘇州及杭州之後，愛上旅遊，原來真係好好玩、好開心，完全冇壓力。

一月︰「廣東巡迴逗利是之旅」，即係返鄉下探親，不過今年得我一個返咋，仲要幫表哥托奶粉，唔逗多d利是點幫補下家計。澳門、中山、順德、廣州，睇下逗到幾多利是先﹗

四月︰「梧州、桂林之旅」，已約定舅父佢地去梧州(探親)、桂林(旅遊)，桂林山水夾天下，一定要去﹗

九月︰「歷史之行」，遊覽南京(中華民國首都)、西安(睇秦始王兵馬俑)、北京(新舊歷史集中地，萬里長城、故宮、天壇、鳥巢、水立方，好想好想去)，可以的話想去埋濟南、曲阜同青島。

仲有3至4日年假剩，可以去一轉台灣或者新加坡，不過有人陪先去。

希望呢幾個旅程可以完成到，仲有梗係想你同我一齊去啦﹗

2010年的旅遊計劃都大致完成了，有東北三省同埋西藏，最想去哈爾濱睇冰雕，最想去搭下青藏鐵路同埋遊下拉薩布達拉宮﹗

人生難得幾回傻，是你教曉我這句。

今日在公司跟你談得很開心呀，突然間覺得我們返回剛認識那時一樣，原來愛真係可以令距離縮短至沒有。大家付出真心去愛，無論相隔多遠，有人反對都不能阻止。